Дима суоппар идэлээх, билигин тириинэн дьарыгырар…

Саха киһитэ билигин маһынан, тимиринэн эрэ уһаммат, бары матырыйаалы туһанар. Тириинэн хаппар, кумааһынньык арааһын оҥорооччулар элбииллэр. Сунтаарга тирии матырыйаалынан дьарыгы Дмитрий Егоров кыайа-хото саҕалаата.

Дмитрий Егоров @sakha_kozhgalanterea — элбэх тэрилтэҕэ суоппарынан, механигынан, бу соторутааҕыта вахтаҕа бульдозерыһынан үлэлээн кэллэ. Кэнники кэмҥэ уруккаттан ыралыыр дьарыгын — тириинэн арааһы оҥорон таһаарар баҕата кыайа-хото тутан сɵбүлүүр дьарыгын ɵрɵ тутар.

Саҥа саҕалааччы диэтэххэ хайы сах тирии хаппар, кумааһынньык, кур, тиэрмэс, блокнот хахтарын оҥорон үйэлээх үлэ хаһаайыттара тутатына кɵстɵллɵр. Сорох дьон Димаҕа кэлэн тирии оҥоһуктарын абырахтаталлар, саҥардаллар эбит, бэйэлэрин ойуулааһыннарынан эмиэ оҥотторуохтарын сɵп эбит.

Кырдьык даҕаны, тоҕо биһиги бэйэбит уолаттарбыт, кыргыттарбыт ураннык уһанар кэрэ оҥоһуктарын атыыласпакка омук сирин муодатын батыһан «кожа, тирии» дэһэ-дэһэ биһиги тымныыбытын тулуйбат брендовай хаппардары ыларга мɵлүйүɵнүнэн харчыны тэбиибитий?

ТУСКУЛААНА ГОРОХОВА-КОБЕЛЬЯНОВА

Читайте дальше