Сунтаардааҕы оҕо бибилэтиэкэтин библиограба Светлана Иванова араас куукулалары баайан бэртээхэй быыстапка тэрийэрин кырачаан ааҕааччылартан кырдьаҕаһыгар тиийэ сөбүлээн көрөллөр.
Светлана Дмитриевна «Книга+кукла» диэн тус бырайыактаах. Бу бырайыагын чэрчитинэн нуучча улуу поэта Александр Пушкин төрөөбүтэ 225 сылыгар «Балыксыт уонна балык туһунан остуоруйа» («Сказка о рыбаке и рыбке») айымньытынан бэйэтэ илиитинэн баайбыт куукулаларынан ойуулук оҥорбут. Ойуулук оҥоруутугар Светлана Дмитриевна дьиэ кэргэнин кытыннарбыт. Ол курдук, төрөппүт кыыһа Елена Амонова ааптар, икки сиэнэ Марина, Джулиана Амоновалар үлэлэстилэр. Елена Степановна ааптар, кыргыттара остуоруйа дьоруойдарын саҥартылар (озвучкалаатылар).
Ойуулук нууччалыытын сигэтэ — https://youtu.be/F5Eq16PZzFI, сахалыыта — https://youtu.be/03JURu-fKFA
«Сунтаар сонуннара» хаһыат