Сотору кэминэн бырааһынньык тэрээһиннэрэ, уһун-киэҥ өрөбүллэр. Быраабы араҥаччылааччылар уонна тустаах үлэһиттэр бу кэмҥэ үлэлэрэ күүһүрэр.
Ахсынньы 30 күнүттэн «Быт» диэн суһал, сэрэтэр эпэрээссийэ саҕаланар. Сыала-соруга дьон олорор сиригэр рейдэлэри, сэрэтэр үлэлэри ыытыы, буруйу оҥоруу буолбатын диэн бэрээдэги көрүү, ону тэҥэ, суолга саахал тахсыбатын наадатыгар быраабыланы тутуһары сэрэтии буолар. Рейдэлэр тохсунньу 2-с күнүттэн 9-с күнүгэр 17 ч. киэһэ 22 ч. диэри полиция, Росгвардия, МЧС, УИИ, ОГПС үлэһиттэринэн ыытыллар. Оттон Үөрэҕирии үлэһиттэрэ ахсынньы 29-тан 31-гэр диэри рейдэлиэхтэрэ. Тохсунньу 5-с, 7-с күннэригэр ООПиОБ патрульлара сылдьыахтара.
«Сунтаар сонуннара» улуус хаһыата