Биһиги улууспутугар Ил Дархан дьаһалынан Өрөспүүбүлүкэтээҕи 2 №-дээх балыыһа иһинэн тэриллибит мобильнай хирургическай биригээдэ үлэтин түмүктээтэ. Ол курдук 11 хонук иһигэр 42 операцияны оҥордулар: 21- мурун токуруйааһынын көннөрүү (септопластика), 5 – өттүк сүһүөҕүн уларытыы (эндопротезирование), 16 – тымыр кэҥээһинин суох гыныы (флебоэктомия).
Балаҕан ыйын 3 күнүгэр, үлэлэрин бүтэһик күнүгэр оройуоннааҕы киин балыыһатын кылаабынай бырааһын эмтээһин үлэтигэр солбуйааччы Константин Павлов исписэлиистэри кытта көрүстэ, хамаанда үлэтин түмүгүн, туруоруллубут соруктары ырыттылар. Константин Павлов улуустарга маннык мобильнай биригээдэлэр кэлэн көмө оҥороллоро олус туһалааҕын уонна салалта, олохтоохтор ааттарыттан махтал тылларын эттэ .
Ксенья Иванова, ыарыыны эрдэттэн сэрэтэр кэбиниэт сиэстэрэтэ