Бүгүн, атырдьах ыйын 28 күнүгэр, Кириэстээх Соколинай арыытыгар Бүлүү өрүскэ хатыыс ыамаларын ыыттылар. Балыктары «АЛРОСА» хампаанньыйа айылҕаны харыстааһын бырагырааматын иһинэн Мииринэй оройуонун Чернышевскайдааҕы балык собуотуттан аҕалбыттар.
Бу үөрүүлээх тэрээһиҥҥэ СӨ экологияҕа, айылҕаны туһаныыга уонна ойуур хаһаайыстыбатын миниистирин солбуйааччы Анатолий Алексеев, Сунтаар улууһун баһылыгын бастакы солбуйааччы Николай Александров, «АЛРОСА» хампаанньыйа социальнай хааччыйыы уонна региональнай сайдыыга салайааччы Николай Франк уонна Росрыболовство Восточно-Сибирскай управлениетын салайааччыта Николай Кучеров кыттыыны ыллылар.
Уопсайынан Бүлүү өрүскэ 20000 хатыыс оҕолорун ыыталаатылар.
Дмитрий ЫМЫЧАНОВ