Бу күннэргэ Кириэстээххэ сылдьан, урукку хаһыатчыт идэм тэһитэ кэйиэлээн, быһаас Арассыыйа үлэтин Дьоруойа Владимир Африканович Михайлов тус көрдөһүүтүнэн, дойдубут Бэрэсидьиэнэ Владимир Путин тус сорудаҕынан тутулла турар 150 миэстэлээх култуура киинин тутуутун көрдүм.
Тутууну ыраах Арменияттан төрүттээх, биһиги улууспутугар өссө 2004 сылтан үлэлээн араас таас тутууну ыыппыт Самвел Саакян салайааччылаах «Андраники» ХЭТ тутар. Күннээх Армения уолаттара быйылгы сыллааҕы былааннаах үлэлэрин үмүрүтэн дойдуларыгар бараары кынаттарын куурда сылдьар буолан, үөрүүлэрэ-көтүүлэрэ сүрдээх. Уопуттаах салайааччы санаата бөҕөх. Быйылгы былаан туолла, эһиил, 2024 сылга, ахсынньы 25 күнүгэр тутуу бүтүөхтээх. Барыта этэҥҥэ буоллаҕына, биһиги РФ Бэрэсидьиэнин сорудаҕын болдьоҕор толоруохпут диир.
Ситэри чуолкайдаһаары Кириэстээх нэһилиэгин баһылыгын Александр Григорьевы көрүстүм.
Кини тутуу былаан быһыытынан бара турар. Кулууп бүттэҕинэ, ситиннэ салҕыы ураһалыы моһуоннаах эбии тутуу баар буолуохтаах. Чэ, быһата былааммыт баһаам диир күннэтэ тупсар, киэркэйэр алмаас таас кыырпаҕа аан бастаан көстүбүт Кириэстээх сирин хаһаайына Александр Григорьев.
Түмүккэ Армения уолаттара биһиги сирбитигэр хайдах-туох үлэлии-хамсыы сылдьалларын туоһута буолуох кэриҥнээх, киин биригээдэ биир кырдьаҕас чилиэнин Гаруш Тобелян хоһоонунан түмүктүөххэ:
Якутский народ дружный они и всем нам нужны,
Есть у нас знакомые и друзья,
Гордимся тобой мой Саха,
Мы вновь приехали к вам строить,
Людей любить и дорожить
Между нами длинная дружба,
Это наш любимый народ Саха
Радуйся, мой Саха, со всеми
И все мы друзья с вами,
Любовь и счастье желаем
Вам уважаемые братья, якутяне.
Борис НИКОЛАЕВ