Байанай ыйын чэрчитинэн үөрэнээччилэр булт тэриллэрин кытта билсэр сыаллаах оскуола түмэлигэр экскурсияҕа сырыттылар. Түмэл экспонаттарын учууталлар Сусанна Павлова, Ульяна Яковлева оҕолорго билиһиннэрдилэр. Учууталлар кэпсииллэрин оҕолор интэриэһиргээн, сэргээн иһиттилэр. Бу манна былыр биһиги өбүгэлэрбит булка тутта сылдьыбыт араас тэриллэрэ баар.
Бу күн полиция үлэһиттэрэ – нэһилиэк учасковайа, полиция капитана Никита Данилов уонна ПДН инспектора, полиция майора Ульяна Жиркова, Уһук Илин юридическай институтун 5-с кууруһун устудьуона Ванесса Иванова оҕолорго полиция үлэтин-хамнаһын кэпсээтилэр, үрдүкү кылаастарга, профориентационнай үлэ чэрчитинэн, үөрэх, идэ туһунан билиһиннэрдилэр. Ону таһынан, бүгүн Арассыыйаҕа Ис дьыала уорганыгар сулууспаларын толоро сылдьан сырдык тыыннара быстыбыт сотрудниктары кэриэстиир күн. Онон сибээстээн, сулууспаларын толоро сылдьан олохтон туораабыт биир дойдулаахтарбыт олохторун, үлэлэрин кэпсээтилэр. Медиа киин кэрэспэдьиэннэ кэлбит ыалдьыттартан интервью ылла.
Алена ИВАНОВА
Надежда Черепанова хаартыскаҕа түһэриитэ, видеоҕа устуута.