10 уст. Бөдөҥ хортуоппуй
300 гр. Ынах быара
2 ост.ньуоска ынах арыыта
1 эриэппэ луук
1 ыст. Сүөгэй
1 ост. ньуоска бурдук
2 ост. ньуоска мас арыыта
Биэрэс уонна туус
Луугу кыра гынан быһаҕын, ынах арыытыгар ыһаарылыыгын. Ынах быарын ууга буһаран ылаҕын. Ол кэннэ кыра гына кырбыыгын, ыһаарыламмыт луугу кытта булкуйаҕын, сүөгэйи эбэҕин, туустуугун.
Хортуоппуйдары икки гына аҥаардыыгын, ортотун хостоон ылаҕын. Оччоҕуна 0,5 см. халыҥнаах таһа хаалыахтаах. Ону таһыттан туустуугун, мас арыытынан сотоҕун. Хортуоппуй көҥдөйүгэр фаршы угаҕын. Ол кэннэ икки гына аҥаарданыллыбыт хортуоппуйу холбуу тутан фольгаҕа суулуугун уонна грильгэ 200 кыраадыска икки өттүттэн эргитэ сылдьан 5-тии мүнүүтэ буһараҕын. Эбэтэр духуопкаҕа кыра уулаан, убаҕас арыылаан 40 мүн. буһарыахха сөп.
Алена ИВАНОВА