Тэрилтэ салайааччыларын планеркатыгар анал байыаннай дьайыыттан дойдутугар аҕыйах хонукка уоппускатыгар кэлбит С. чиэстээһин буолла. Улуус баһылыга Анатолий Григорьев байыаска анал бэлэҕи туттарда. С. ааспыт сыл алтынньытыгар мобилизацияҕа хабыллан барбыт. Кини балтараа ый курдук анал бэлэмнэниини ааспытын туһунан кэпсээтэ. Онно уолбут ытык иэһин чиэстээхтик толоро сылдьар.
Билигин анал байыаннай дьайыыга биһиги улуустан 101 байыас сулууспалыы сылдьар. Анатолий Васильевич кинилэр бары этэҥҥэ дойдуларыгар доруобай кэлэллэригэр баҕа санаатын эттэ.
Гаврил АНДРЕЕВ.