«Айыллаан» СКК иһинэн тэриллибит «Дьүөгэлэр» эбээлэр үҥкүү ансаамбыллара (салайааччы М.В. Спиридонова) уонна «Айыына» оҕолор муода устуудьуйалара (салайааччылара М.В. Спиридонова, Н.Е. Сивцева) барыта 31 буолан, дойдубут тэбэр сүрэҕэр Москваҕа ыытыллыбыт «Рождественские Звезды» норуоттар икки ардыларынааҕы куоҥкуруска ситиһиилээхтик кыттан кэллибит. «Дьүөгэлэр» ансаамбыл хотугу үҥкүүнү толорон 1 истиэпэннээх лауреат үрдүк аатын ылан үөрүүбүт үксээтэ. Оттон, «Айыына» муода устуудьуйа «Дьыл кэмнэрэ» коллекциянан 1 истиэпэннээх лауреат үрдүк аатын ыллылар. Салайааччыларга «Педагогическая Ника» дипломнарын уонна Кубоктарын туттардылар. «Кремлёвская елка» тэрээһиҥҥэ сылдьан, оҕолор «Остров мечты» кииҥҥэ дуоһуйа оонньоон астыннылар.
Түгэнинэн туһанан, ыраах айаҥҥа Мииринэйгэ барарга-кэлэргэ уматыгынан көмөлөспүт баһылык К.А. Уаровка уонна суоппардарбытыгар Ф.К. Удинҥа, Ю.П. Леонтьевка уонна Сунтаарбыт таксистарыгар махталбытын тириэрдэбит.
Мария Спиридонова, салайааччы