Атырдьах ыйын 20-30 күннэригэр өрөспүүбүлүкэ үрдүнэн “Сэрэниҥ, түөкүттэр!” оперативнай-сэрэтэр үлэ ыытылла турар.
Сунтаардааҕы Ис дьыала отделыгар бу ыйга, бүгүҥҥү күн туругунан, информационнай-телекоммуникационнай технологияны туһанан түөкүннээһиҥҥэ Сунтаар улууһун олохтооҕуттан биир үҥсүү сайабылыанньа киирбит.
Ол курдук, бу дьыл ыам ыйын 24 күнүгэр (00 ч 03 мүн.- 23 ч. 00) кимэ биллибэт киһи албын суолунан туора киһи баайыттан-дуолуттан улахан кээмэйдээх уорууну оҥорор санаалаах, туһа таһаарынар баҕаттан, быһаарыллыбатах ньыманан гр. М. аатыгар 776.000 солк. кирэдьиити ылбыт. Ити күн 89656161998, 89019628521 уонна 89777783704 нүөмэрдэртэн WhatsApp мессенджеринэн М. төлөпүөнүгэр баан үлэһитин аатыттан субуоннаан, “ФК Открытие” ПАО бааҥҥа баар К. Владислав Алексеевич аатыгар баар счекка харчы ыытарыгар тылыгар киллэрбит.
Уопсайа, бу кимэ биллибэт киһи албыннаан гр. М.-тан 776 тыһ. солк.харчытын уорбут. Бу улахан кээмэйдээх уорууга киирэр.
Сунтаардааҕы Ис дьыала отдела бу маннык дистанционнай түөкүннээһиннэр, уоруулар күннэтэ тахса туралларынан, күндү биир дойдулаахтарбытын, болҕомтолоох буоларгытыгар, билбэт нүөмэргит эрийдэҕинэ өс киирбэх кэпсэппэт, баан картатын куодун, бэйэҕит туһунан информацияны кимиэхэ да эппэт буоларгытыгар сэрэтэр.
Маны таһынан, аҕам саастаах дьоҥҥут ситэ-хото билбэттэриттэн, өс киирбэхтэриттэн албыҥҥа киирэн биэрбэттэрин курдук, кинилэр мобильнай бааны, онлайн төлөбүрү туһаналларын көрө-истэ, кэтии, сүбэлии сылдьаргыт наада.
Полиция начальнигын эбээһинэһин быстах кэмҥэ толорооччу майор Александр САВВИНОВ.