Улуу Кыайыы 80, саха суругунан литературата төрүттэммитэ 125, С.А.Зверев-Кыыл Уола төрөөбүтэ 125 сылларынан С.А.Зверев-Кыыл Уолун аатынан Элгээйи фольклор түмэлэ уонна «Сунтаар сонуннара» хаһыат эрэдээксийэтэ «Номох буолан умнуллубат норуот тыыннаах тыла» — хоһоон айыытыгар оҕолорго уонна улахан дьоҥҥо улуустааҕы куонкурус биллэрэр!
Куонкурус сыала-соруга:
— Улуу Кыайыы 80 сылын көрсө, Саха сиригэр суругунан литература төрүттэммитэ 125, Сунтаар улууһугар норуот ырыаһыта Сергей Афанасьевич Зверев-Кыыл Уолун сылынан, историческай, култуурунай өйдөбүнньүктэри уус-уран айымньынан (хоһоонунан) тиэрдии.
— Төрөөбүт тылы туһаныы эйгэтин кэҥэтии.
— Айар талааннаахтары киэн араҥаҕа таһаарыы.
Куонкурус усулуобуйата:
* Куонкуруска оскуола оҕолоро, улахан дьон кытталлар.
* Куонкурус хоһоон көрүҥэр ыытыллар.
* Ааптар аадырыһын, араспаанньатын, аатын, аҕатын аатын, төлөпүөнүн толору суруйан, айымньытын фольклор түмэлин электроннай почтатыгар elgyaymuseum@mail.ru ыытар.
* Күрэскэ кыттыы иһин төлөбүр – 100 солк. (оҕо), 200 солк. (улахан дьон).
* Куонкуруска киирбит үлэлэр ааптарга төннүбэттэр. Дьүүллүүр сүбэ хамыыһыйата биһирээбит айымньылара «Сунтаар сонуннара» улуус хаһыатыгар тахсыахтара.
Куонкуруска үлэлэри тутуу: 2025 сыл кулун тутар 31 күнүттэн ыам ыйын 5 күнүгэр диэри.
Куонкуруһу түмүктээһин: оҕолорго уонна улахан дьоҥҥо кыайыылаахтар Добун суругунан уонна бирииһинэн наҕараадаланаллар. Ону таһынан чаҕылхай айымньылар биһирэбиллэринэн бэлиэтэниэхтэрэ. Куонкурус балаһыанньата уонна түмүгэ «Сунтаар сонуннара» хаһыакка, хаһыат сунтаарсонуннара.рф саайтыгар, МБУ «Сунтарский музейный комплекс им.С.А.Зверева-Кыыл Уола» саайтыгар, «В контакте» сыһыарыытыгар тахсар.
Билсэр нүөмэргит: 8(984)1017540 (Ксения Прокопьевна), 8(914)1126262 (Олимпиада Васильевна).
Тэрийэр сүбэ