Сунтаар нэһилиэгин “Алгыс” бэтэрээннэр фольклорнай кулууптара аахсыйаҕа кыттыһаннар, блиндаж чүмэчилэрин бэлэмнээтилэр. Биир бааҥкаҕа 10 чүмэчини уулларан куталлар эбит. Чүмэчи иһигэр үөрэ отун уган, ыраах сылдьар оҕолорбутун дойдуларын отун сыта, буруота ыраастаатын, арчылаатын диэн баҕа санааларын этэллэр. Кинилэри бииргэ түмэр, салайар дьонунан Яна Иннокентьевна Трофимова, Галина Михайловна Васильева буолаллар. Аҕам саастаах ытык дьоммут мэлдьи маннык мустаннар, үтүө санааны өрө тутан, анал байыаннай дьайыы кыттыылаахтарыгар көмөлөһөллөр. Ол курдук, эрдэ хаххалыыр сиэккэни тигэннэр, уу харчынан кыттыһан көмөлөһөн тураллар. Алгыстар маны таһынан уустук балаһыанньаҕа түбэспит биир дойдулаахтарбытыгар, элбэх оҕолоох дьиэ кэргэннэргэ, соҕотох олорор кырдьаҕас дьоҥҥо, аҥаардас оҕолорун иитэр аҕаларга элбэхтэ күүс-көмө буолбуттара.
Алена ИВАНОВА