Ааспыт сайын «Корона» атыы-эргиэн хампаанньа салайааччыта Надежда Львова саха куукулатын оҥотторон атыылыахпыт диэбитигэр олус сэҥээрбитим. Ол этии хайы-сах олоххо киирэн, билигин «Корона» маҕаһыынын аайы саха Барби куукулатын булуоххутун сөп.
Аны бүгүн бу кэрэ кыргыттары сахалыы сайбаччы таҥыннарар сыаллаах «Куукуланы симиибин» диэн «Матери России» түмсүүнү кытта күрэс тэрийбиттэр. Манна 15 кыыс кытынна. Саха куукулалара барахсаттар сахалыы таҥнан өссө тупсубут курдуктар…
«Куукуланы симиибин» күрэс түмүгэ:
1 үрдэл — Кузнецова Элина, Күүкэй (12 саастаах)
2 үрдэл — Васильева Нелли, Кутана (11 саастаах)
3 үрдэл — Павлова Элиза, Сунтаар (10 саастаах).
Тускулаана ГОРОХОВА-КОБЕЛЬЯНОВА