Байанай ыйыгар быйыл улууспутугар элбэх сиргэ муҥхалааһын тэрилиннэ, дьон-сэргэ, оҕо-аймах үөрэ-көтө кытынна, Куөх Боллох Тойон бэлэгиттэн дэлэччи бэриһиннэрдилэр. Оҕолорго муҥхалааһын сиэрин-туомун билиһиннэрии, суолтатын быһааран өйдөтүү, батыһыннара сылдьан көрдөрүү, олус учугэй холобур буолар.
Ол курдук, сэтинньи 12 кунугэр «Байанай ыйын» чэрчитинэн Сунтаардааҕы политехническай лицей-интернат 5-с «а»кылааһын салайааччыта Семёнов Артем Александрович үөрэнээччилэригэр кыһыҥҥы поход тэрийдэ.
Оҕолор пааркаҕа оскуолаларыттан үөрэнэн бутээт сатыы хааман тиийдилэр.
Кыһын киһи хайдах уот отторун үөрүйэхтэрин илэ көрөн биллилэр, «чыыппаан» диэн тылы саҥа иһиттилэр. Уот иччитин аһатыы сиэрин-туомун билистилэр. Уокка буспут миин уонна чаай истилэр. Ол кэннэ инструктаж баран спортивнай сааннан сыал ытан күрэхтэстилэр. Кылгас дистанцияҕа сүүрүү, ким ордук быһыйын көрдөрдө.
Оҕолор салҕыы былаан быһыытынан, дьонноругар оҥотторон аҕалбыт скворечниктарын ыйааһын буолла, ону сэргэ чыычаахтары аһаттылар.
Сибиэһэй салгыҥҥа сылдьан дэлэччи оонньоотулар, үөрдүлэр-көттулэр.
Бу курдук, биир үтүө өйдөбүлү хаалларар туһалаах кун ааста.
Альбина ПРОКОПЬЕВА