«Биир ньыгыл Арассыыйа» политическай партия Сунтаардааҕы олохтоох салаата ыам ыйын 23-24 күннэригэр электроннай барыллаан куоластааһыны ыытта.
Быйыл Сунтаарбыт улууһугар икки нэһилиэккэ — Сунтаарга, Күндэйэҕэ нэһилиэк баһылыктарын быыбара буолара күүтүллэр.
«Биир ньыгыл Арассыыйа» партия Сунтаардааҕы олохтоох салаатын иһинэн быыбар иннинээҕи барыллаан куоластааһыҥҥа Сунтаар нэһилиэгин баһылыгар турунууга — 2, Күндэйэ нэһилиэгин баһылыгар 2 хандьыдаат регистрацияны ааһан кытынна. Ол курдук, Сунтаар нэһилиэгин баһылыгын быыбарыгар Эдуард Егорович Филиппов — Сунтаар нэһилиэгин баһылыга уонна Александр Валерьевич Федоров — ООО «ГСК-ЖБИ»ХЭТ дириэктэрэ, Күндэйэ нэһилиэгэр баһылыкка хандьыдаатынан билигин үлэлии олорор баһылык Иван Витальевич Константинов уонна Сунтаардааҕы гидрологическай станция начальнига Егор Прокопьевич Яковлев.
Электроннай куоластааһыҥҥа Сунтаар уонна Күндэйэ нэһилиэктэриттэн быыбардааччыларын ахсааннарыттан 5%-на кыттан, Сунтаар нэһилиэгэр электроннай куоластааһыныгар 359 киһи, Күндэйэҕэ 26 киһи ким баҕалаах, партията да суох, 18 сааһын туолбут дьон регистрацияны ааһан куоластааҺыҥҥа кытыннылар.
Икки күннээх куоластааһын түмүгэр кыттыы Сунтаар нэһилиэгэр 274 киһи (76%), Күндэйэҕэ 24 киһи кыттан 92% тэҥнэстэ.
Хандьыдааттартан Эдуард Филиппов — 240 (98%), Александр Федоров — 6 ( 2,1%); Иван Константинов — 24 (100%), Егор Яковлев — 0 куолаһы ылары ситистилэр.
Барыллаан куоластааһыҥҥа дьон итэҕэлин ылбыт Эдуард Филиппов, Иван Константинов партия аатыттан эҕэрдэлиибит.
Барыллаан куоластааһыҥҥа кыайбыт дьоммут аны күһүҥҥү быыбарга «Биир ньыгыл Арассыыйа » партия аатыттан кыттыахтара.
«Биир ньыгыл Арассыыйа» олохтоох партия толоруулаах кэмитиэтэ