Бүгүн, сэтинньи 25-Олоҥхо күнүгэр Ил Дархан Айсен Николаев саха норуотун култууратын, айымньытын тарҕатааччыларга, толорооччуларга анал истипиэндьийэтин туттарара үтүө үгэскэ кубулуйда. Бу күн Айсен Николаев оһуокайдьыттарга, олоҥхоһуттарга, тимир уустарыгар уонна норуот маастардарыгар саха култууратын тарҕатыыга үтүө өҥөлөрүн иһин махатанан туран истипиэндьийэтин туттартаата. Үс сыл иһигэр 81 норуот талба талааннаахтара бу анал истипиэндьийэҕэ тигистилэр. Быйыл Сунтаар улууһуттан 3 киһи туоһу суругу тутта. Олоҥхо толорооччуларга Сунтаар улууһун бочуоттаах олохтооҕо, “Тойук”, “Оһуокай” түмсүү кыттыылааҕар, ийэ олоҥхоһут Владимир Даниловка-Бэһэлэйдээх Болуодьа, оһуокай этээччилэргэ СӨ култууратын туйгуна, Аан Дархан этээччи Лариса Ивановаҕа-Ырыа Дьаархаҥҥа уонна 93 саастаах үлэ, тыыл бэтэрээнигэр, герой ийэҕэ Мария Чокуроваҕа истипиэндьийэ ананна. Ону тэҥэ, Сунтаар улууһуттан төрүттээх икки норуот талааннаахтара тимир ууһугар Николай Потапов-Дабайар уус Дьокуускай к.олохтооҕо, оһуокайдьыттарга Амма улууһуттан Александра Артемьева Ил Дархан илиититтэн эмиэ истипиэндьийэни туттулар. Биир дойдулаахтарбытын бу үрдүкү наҕараадаларынан, ситиһиилэринэн эҕэрдэлиибит.
Мира АФАНАСЬЕВА
Андрей СОРОКИН хаартыскаҕа түһэриитэ
