Булчут Бааска
Бүгүн Баабылап Бааска баскыhыанньаҕа бултуу, балыктыы барыахтаах. Бэҕэhээ бултуу барарыгар бэлэмнэнэн байда. Буулдьаларын барытын биир бүк, быhаҕын, балааккатын бэлэмнээбитэ. Баабылап Бааска булчут бэрдэ, буккуллубат болдьохтоох. Бадарааҥҥа батыллыбат бөллөрүүстээх. Бур-бур буруолатан, бирилэтэн-барылатан булдугар барааччы. Биир бэйэтэ биэс бөҕөhү баhыйар, бэрт бэргэн, бастыҥнартан бастыҥ булчут Бааска.
Павлов Айхан,
Сунтаардааҕы 1№дээх орто оскуола 7 «в» кылааһын үөрэнээччитэ.
Барбуос барахсан
Былыр-былыргыттан булчукка бултуу батыһар быһый боотурдаах буолар. Биһиэхэ бэрт быһый, булчут Барбуос баар буолан, баай Байанай бойомнук булт бэрсээччи. Биһиги бары Барбуоспутун биһириибит, бэртээхэй булчут, барыбыт болҕомтото буолаччы. Былырыын Барбуоспут барбытыттан биһиги бары суохтуубут.
Степанова Нарыйаана,
Сунтаардааҕы 1№дээх орто оскуола 7 «в» кылааһын үөрэнээччитэ.
«Салааска»
Сааскы саймаархай сарсыарда салгына сылаас. Сирэйи сипсийэр сибиэһэй салгын суугуна санааны сылаанньытар. Сайнаара сирэйин суунаат суорат сиэтэ. Сонун, саарпыгын санныгар сөрөөт сыырга сүүрдэ. Салааскатын сылгылаары Сандаараттан Сааскалааҕы сураста. Сотору соҕус Сааска салаасканы сүтэрбитин сонун, сэппэн сэһэргээтэ. Сайнаара санаарҕаан, сонньуйан салаасканы санаата. Сотору соҕус сыыдамнык сырылыыр саҥа салаасканы Сааска сүүрэн санныгар сүктэрдэ. Сайнаара саамай сөбүлүүр сыырыгар сүүрдэ.
Иванова Карина,
Сунтаардааҕы 1№дээх орто оскуола 5 «б» кылааһын үөрэнээччитэ.
Баҕар бүгүн буолуоҕа,
Баарын бүгүн биллэриэ,
Бары бииргэ буоламмыт,
Бу баардыы бииргэтик.
Быыбар бүттэ билиннэ,
Биэтэк биллэ бүтэһик,
Биһиэнэ билиннэ бигэтик,
Баһылык буолла бастааммыт.
Бары билинэр буоланнар.
Бэрт бэркэ бигэргэннэ,
Биһиги бары батыһан,
Баһылыктыын буолуоҕуҥ.
Кокорева Настя,
Сунтаардааҕы 1№дээх орто оскуола 9 «а» кылааһын үөрэнээччитэ.