Нэһилиэктэр бэтэрээннэрин сэбиэтин бэрэссэдээтэллэрэ 2023 сыл үлэтин отчуоттуур мунньахтара буолан ааста. Сүрүн отчуоту бэтэрээннэр улуустааҕы сэбиэттэрин бэрэссэдээтэлэ Афанасий Васильев иһитиннэрдэ.
Улуус баһылыгын бастакы солбуйааччы Николай Александров бэтэрээннэри кытары көрсүһүүгэ кыттан, ыйытыыларга хоруй биэрдэ, туох-ханнык үлэ улууска, өрөспүүбүлүкэҕэ барбытын кэпсээтэ. 20 сыл Элгээйи нэһилиэгэр бэтэрээннэр сэбиэттэрин бэрэссэдээтилинэн эҥкилэ суох үлэлээбит Маргарита Сидороваҕа «Сунтаар улууһун Бочуоттаах бэтэрээнэ» бэлиэни туттарда.
Афанасий Кириллович Сунтаар, Кутана, Куокуну, Кэмпэндээйи, Дьаархан, Уһун Күөл нэһилиэктэрин бэтэрээннэрин бэрэссэдээтэллэригэр таһаарыылаах үлэлэрин иһин махтанан туран, Бочуотунай грамота туттартаата.
Көрсүһүүгэ үлэлэрин опытын үллэстэн, элбэҕи кэпсэттилэр, санаа атастастылар.
Тамара ИВАНОВА