От ыйын 26-27 күннэригэр Сунтаарга, Тойбохойго, Элгээйигэ Арассыыйа ис дьыалаҕа министиэристибэтин Сунтаардааҕы отдела уонна улуус сэрэтэр уорганнарын үлэһиттэрэ «Белые ночи» диэн оперативнай-сэрэтэр тэрээһини ыыттылар. Бу тэрээһин сыалынан сокуоннай саастарын туола илик оҕолор көрүүтэ-истиитэ суох буолууларын уонна сокуону кэһиилэрин сэрэтии буолар.
Үс ый иһигэр Арассыыйа ис дьыалаҕа министиэристибэтин Сунтаардааҕы отделын ПДН-на сокуоннай сааһын туола илик оҕо бэрэстэбиитэллэригэр «Неисполнение родителями или иными законными предстваителями несовершеннолетних обязанностей по содержанию и воспитанию несовершеннолетних” (уопсастыбанай сиргэ оҕо түүн сылдьыыларын иһин) КоАП РФ 1 ч. 5.35 ыстатыйатынан барыта алта боротокуолу толордо. Санатан ааһар буоллахха, түүҥҥү бириэмэ оҕолорго 22.00-06.00 ч, оттон сайыҥҥы өттүгэр (01.05.- 31.08) киэһэ 23.00-06.00 ч. диэри.
Арассыыйа ис дьыалаҕа министиэристибэтин Сунтаардааҕы отдела СӨ 14.04.2010 с. 822-З№529-IV сокуонугар олоҕуран уопсастыбаннай сиргэ: уулуссаҕа, стадиоҥҥа, пааркаҕа, искибиэргэ, уопсастыбаннай тырааныспарга уонна Интэриниэккэ киирэри хааччыйар, атыылыыр, итирдэр утахтары сокуоннай көҥүлүнэн атыылыыр бырааптаах урбаанынан дьарыгырар юридическай уонна юридическайа суох сирэйдэр эбийиэктэригэр, атын да уопсастыбаннай миэстэлэргэ сокуоннай сааһын ситэ илик оҕо төрөппүт эбэтэр оҕо кыттыылаах тэрээһини оҥорооччу арыала суох сырыттаҕына административнай эппиэккэ тардыллары сэрэтэр.
Ытыктабыллаах төрөппүттэр, сокуоннай сааһын ситэ илик оҕо түүҥҥү кэмҥэ сылдьан быраабы кэһии, буруйу оҥоруу кыттыылааҕа эбэтэр буруйу оҥорууга сиэртибэ буолар кутталааҕын өйдүөх тустааххыт.
Алена ИВАНОВА