Субуота күн Бүлүүчээн нэһилиэгэр сэргэх күн буолан ааста. Ол курдук Бүлүүчээн нэһилиэгиттэн сылдьар анал байыаннай дьайыы кыттыылаахтарыгар уонна Юрий Васильевич Татаканов, Юрий Пантелеймонович Семёнов сырдык кэриэстэригэр аналлаах оҕолорго Сунтаар улууһун мас тардыһыытын аһаҕас күрэҕэ үрдүк таһымҥа ыытылынна. Манна, Сунтаар улууһун мас тардыһыытын федерациятын салайааччыта Гаврил Еремеев суолта биэрэн кэлэн үлэлээтэ, күрэхтэһиини саҥаран-иҥэрэн салайан ыытта. Онтон Егор Степанов кылаабынай судьуйалаата, улууска оҕолорго старшай тириэньэр Михаил Саввинов сэкирэтээрдээтэ. Бу улуус таһымнаах күрэхтэһиини, эмиэ анал байыаннай дьайыы кыттыылааҕа, Бүлүүчээн успуордун инструктора Тимофей Тимофеев көҕүлээһининэн, ону Юрий Татаканов ийэтэ Нюргустана Юрьевна уонна Юрий Семенов дьоно иилэ хабан, өйөөн ыытылынна.
Билиҥҥи кэмҥэ ытык иэстэрин толоро сылдьар уолаттарбыт, күүстээх өйөбүл буоллулар. Уопсайа 12 улуус оскуолатыттан 69 оҕо кыттыыны ылла.
Тыҥааһыннаах киирсиилэр түмүктэрэ:
2012-13сыллаах төрүөх уолаттарга:
40кг
1м-Егоров Антон,Сунтар
2м-Илларионов Арсений,Түбэй
3м-Михайлов Михаил, Маар Күөл
45кг
1м-Чомчоев Дьулусхан, Бүлүүчээн
2м-Васильев Мирослав, Бүлүүчээн
3м-Алексеев Наил, Сунтар
50кг
1м-Оконешников Эрчим, Кутана
2м-Маганныров Юда, Бүлүүчээн
3м-Яковлев Валентин, Куокуну
55кг
1м-Иванов Денис, Бордоҥ
2м-Иванов Кирсан, Кутана
60кг
1м-Петров Ярослав, Аллыҥа
2014 сыллаах төрүөх уонна онтон кыраларга:
35кг
1м-Жирков Валерий, Кириэстээх
2м-Контогоров Арчын, Бүлүүчээн
3м-Кычкин Ярик, Бордоҥ
40кг
1м-Контогоров Арчын, Бүлүүчээн
2м-Нахов Игорь, Хадан
45кг
1м-Гуляев Андрей, Бордоҥ
2м-Аммосов Марсен, Бүлүүчээн
3м-Баишев Марк, Бүлүүчээн
50кг
1м-Попов Моисей, Бүлүүчээн
50+кг
1м-Маганныров Юда, Бүлүүчээн
2м-Попов Моисей, Бүлүүчээн
Кыргыттарга 2013сыллаах төрүөх уонна онтон кыралага:
40кг
1м-Румянцева Дайаана, Түбэй
2м-Катаева Саяна, Сунтар
3м-Маганнырова София, Бүлүүчээн
45кг
1м-Петрова Любовь, Аллыҥа
2м-Яковлева Сайаана, Аллыҥа
3м-Васильева Ева, Бүлүүчээн
45+кг
1м-Николаева Сандаара, Хадан
2м-Фёдорова Амелия, Сиэйэ
3м-Тимофеева Женя, Бүлүүчээн
Маны таһынан, мадьынылар күүс холоһор, кыахтарын тургутуһар күөн күрэстэрэ ыытыллан бу турниры өссө сытыырхатта. Ыраах сиртэн аатырар суоллаах-иистээх уолаттар анаан-минээн тиийэн кэлбиттэрин сөхтүбүт, сэргээтибит. Дьэ манна көрдүбүт быыппастар быччыҥнаахтары, күүрбүт иҥиирдээхтэри… Кытаанах тыҥааһыннаах киирсиилэр түмүктэринэн турнир муҥутуур кыайыылааҕынан буолла Зафар Решетников уонна Юрий Татаканов анал бирииһин 20 тыһ. солк. тутта. Маны таһынан «Кылаан кыһа» диэн Сунтаар мастарыскыайыгар оҥоһуллубут саха быһаҕын (сал. Василий Уаров) ылла. Кини тириэньэригэр Михаил Саввиновка Тимофей Тимофеев туруорбут 10 тыһ. сууммалаах уу харчынан бириэмийэ туттарылынна. Онтон оҕолорго «Кылаан кыайыылаах» ааты сүктэ Куокуну мадьыныта Ян Яковлев уонна Юрий Семенов бирииһинэн 10 тыһ. солк. наҕараадаланна, тириэньэригэр Егор Степановка Юрий Татаканов 10 тыһ. суумалаах бириэмийэтэ ананна.
Анал ааттар иҥэрилиннилэр:
«За лучшую технику» — Дайаана Румянцева (Түбэй Дьаархан), «За лучшую схватку» — Арсений Илларионов (Түбэй), «Самая зрелищная схватка» — Сайаана Катаева (Сунтар), «Перспективный спортсмен» — Айгылаан Макаров (Түбэй Дьаархан), «Самый юный участник» — СоняМаганнырова (Бүлүүчээн), Ярослав Кычкин (Бордоҥ), «За волю к победе» — Аркадий Маймага (Сунтар). Костя Григорьев (Түбэй Дьаархан), Василий Иванов(Сунтар) анал бириис туттулар.
Турнир саамай интэриэһинэй, долгутуулаах кэмэ — чөмпүйүөннэр бэйэ-бэйэлэрин икки ардыгар сэрэбийиэпкэ тардыылара буолла. Манна анал байыаннай дьайыыга сылдьар уолаттарбыт 10-нуу тыһ. солк. анал бириэмийэлэрин олохтообуттара. Ол түмүгүнэн кыргыттарга Дайаана Румянцеваҕа (Түбэй Дьаархан) Андрей Григорьев бириэмийэтэ тигистэ. Андрей Гуляевка (Бордоҥ) Сергей Маганныров анал бириэмийэтин ылан үөрүүтэ үксээтэ. Онтон Антон Егоров (Сунтар) Федор Попов кэмбиэрин ылан дьоллонно. Тириэньэрэ — Валентин Иванов Сунтаардааҕы 1-кы №дээх оскуолатын физкультура учуутала.
Хамаанданан элбэх призердаахтарга диэн Юрий Татаканов бииргэ үөрэммит кылааһынньыктара уонна учууталлара туруорбут уу харчынан бириэмийэлэрин Наталья Александровна туттартаата: 1м- Бүлүүчээн 6 тыһ. солк., 2м- Сунтаар 5тыһ. солк., 3м — Аллыҥа 5 тыһ. солк.
Юрий Пантелеймонович Семенов кыргыттара Лияна Юрьевна уонна Антонина Юрьевна Софья Маганныроваҕа, Зафар Решетниковка, Ян Яковлевка анал бириистэрин туттардылар.
Эдэр тириэньэрдэргэ инникитин өссө үрдүк ситиһиилэри баҕаран туран эмиэ сэмэй бириис бэрилиннэ.
Маны таһынан, биирдиилээн дьон анал бириистэрэ аадырыстаах хаһаайыннарын буллулар. Күрэхтэһии элбэх бириистээҕинэн сөхтөрдө, кэлбит оҕолор, тириэньэрдэр махталлара тэрийээччилэргэ улахан. Кырачаан оҕолор буолалларынан уонна саҥа холонооччу элбэҕинэн кыттыбыттарын иһин диэн бириис ыланнар соһуйа үөрдүлэр.
Күрэхтэһии үрдүк таһымнаахтык ыытыллыбытыгар кыттыбыт, спонсордаабыт дьоммутугар улахан махталбытын тириэрдэбит! «Чуораанчык» оҕо уһуйаанын кэлэктиибигэрр (сал. П.Н.Контогорова) минньигэс аһынан хааччыйбыттарыгар махтал!
Бу курдук, эйэлээх олохпут туһугар бэйэлэрин олохторун толук уурбут уолаттарбыт — икки Дьууруйдар ааттара умнуллубакка үйэ саас тухары сүрэхпитигэр өрүү сылдьыахтара…
Евдокия ГУЛЯЕВА