«Сунтаар улууһа (оройуона)» муниципальнай тэриллии баһылыга Анатолий Григорьев уонна 8 нэһилиэк баһылыктара Москва куоракка Арассыыйа бэрэсидьиэнэ Владимир Путин сорудаҕынан тохсунньу 15 -16 күннэригэр ыытыллыбыт Бүтүн Арассыыйатааҕы бастакы муниципальнай «Малая Родина — сила России» форумҥа кытыннылар. Бу бэйэни салайыныыга анаммыт дириҥ суолталаах улахан тэрээһин буолар.
Форумҥа Арассыыйа эригийиэннэриттэн барыта 7000 баһылык кэлэн кыттыыны ылла, ол иһигэр 155 бэрэстэбиитэл — Сахабыт сириттэн. Бу тэрээһиҥҥэ баһылыктар территориялары сайыннарарга тоҕоостоох боппуруостары ырыттылар, уопуттарын үллэһиннэр.
Бу форум тэриллибит сыала-соруга – Арассыыйаҕа муниципальнай сулууспа сыаннаһын үрдэтии, муниципальнай холбоһуктар үлэлэрин тупсарыы буолар.
“Сунтаар улууһа (оройуона)” муниципальнай оройуон пресс-сулууспата