«Азия оҕолоро» норуоттар икки ардыларынааҕы VIII спортивнай оонньууларын култуурунай тэрээһинигэр Сунтаар улууһуттан 5 кэлэктиип кытта барыаҕа. Ол курдук, Дьаархан нэһилиэгиттэн «Одун» , Куокунуттан «Сандаар», Кириэстээхтэн «Алмаз», Сунтаар нэһилиэгиттэн «Түһүлгэ» НФК, оҕо ускуустубатын оскуолатыттан «Айыллыы» үҥкүү бөлөхтөрө айанныахтара. 76 үҥкүүһүт оҕо уонна 9 салайааччы Дьокуускай куоракка үөрэх тэрилтэлэрин уопсайдарыгар түһүөхтэрэ. Билигин кэлэктииптэр «Азия оҕолорун» оонньууларын аһыллыытыгар үҥкүүлүөхтээх тэтимнээх үҥкүүлэрин үөрэтэ сылдьаллар.
«Сунтаар сонуннара»
