Автопааркалары тупсарыы, саҥардан биэрии федеральнай бырагыраама чэрчитинэн, биһиги өрөспүүбүлүкэбитигэр сылын ахсын автобустар ылыллаллар уонна улуустарынан тарҕатыллаллар. Быйыл эмиэ өрөспүүбүлүкэҕэ 50-тан тахса автобус кэлбит. Онтон биэһэ биһиги улууспутугар бэрилиннэ.
Улуус дьаһалтата СӨ тырааныспарка уонна суол хаһаайыстыбатын министиэристибэтин кытары ыкса үлэлээн бу ситиһилиннэ диэн улуус дьаһалтатын suntaar-ulus телеграм канала суруйар.
Тиэхиньикэлэр олунньу ыйга Сунтаарга кэлиэхтэрэ уонна нэһилиэнньэ туруорсуутунан дьону таһыыга сүүрүөхтэрэ.
«Сунтаар сонуннара» хаһыат