Балаҕан ыйын 17 күнүгэр Арыылаах агрохайысхалаах оскуолатыгар Арассыыйа үрдүнэн ыытыллар «Кросс наций» ыытылынна. Сүүрүүгэ оскуола бары үөрэнээччилэрэ көхтөөхтүк кытыннылар. «Кросс наций» сүрүн сыалынан физкультуранан уонна успуордунан дьарыктаныы буолар. Оҕолор эти-хааны чэбдигирдэр күрэххэ кыттыһан олус астыннылар.
Кыайыылаахтар мэтээлинэн, добун суругунан наҕараадаланнылар. Оҕолорго үрдүк дабайыыны, ситиһиини баҕарабыт.
Надежда ПЕТРОВА,
дириэктэри иитэр үлэҕэ солбуйааччы