Бүгүн, бэс ыйын 11 күнүгэр, С.А.Зверев-Кыыл Уолун аатынан норуот айымньытын киинигэр кэлэн иһэр Модун Арассыыйа күнүн бэлиэтии үөрүүлээх тэрээһин буолла.
Тэрээһиҥҥэ Сунтаар улууһун баһылыга Анатолий Григорьев кэлэн иһэр Модун Арассыыйа күнүнэн улуус олохтоохторун итиитик-истинник эҕэрдэлээтэ уонна Арассыыйа, Саха Өрөспүүбүлүкэтин уонна Сунтаар улууһун сайдыытыгар тус кылааттарын үрдүктүк сыаналан туран иhин бочуоттаах грамота, махтал сурук, түөскэ кэтэр бэлиэ туттартаата.
Ол курдук Российскай Федерация үлэлээх буолуу уонна социальнай көмүскэлгэ министиэристибэтиттэн Бочуотунай грамотатын Валентина Иванова Сунтаар улууһун нэһилиэнньэтин социальнай көмүскэлгэ уонна үлэ Управлениетын сүрүн исписиэлииһэ тутта. СӨ култуура туйгуна Бочуоттаах бэлиэннэн Марфа Спирова Сунтаардааҕы Оҕо бибилэтиэкэтин кылаабынай бибилэтиэкэрэ наҕараадаланна.
СӨ бырабытылыстыбатын грамотатын Айталина Михайлова 2001-2023 сыылларга Сунтаар улууһун нэһилиэнньэтин социальнай көмүскэлгэ уонна үлэҕэ Управлениетын социальнай улэһитэ ылла.
Ону сэргэ Бүтүн Россиятааҕы «Бастыҥ уһуйаан» көрүү күрэҕин кыайыылааҕар диплом уонна махтал сурук «Кыталык» о5о сайдар киинин кэллэктиибигэр уонна салайаачытыгар Валентина Андреевна Петроваҕа туттарылынна. Ону кытта Бэтэрээннэр спартакиадаларыгар ситиһиилээхтик кыттыбыттарын иһин Сунтаар улууһун сэрии, тыыл уонна үлэ бэтэрээнэринсэбиэтин дипломун Кутана, Элгээйи уонна Сунтаар бэтэрээннэр хамаандалара туттулар.
Дмитрий ЫМЫЧАНОВ