Вячеслав Семенов, “Сунтаар” МАУ дириэктэрэ
— Филипп биһиги тэрилтэбитигэр анал тиэхиньикэҕэ механик-слесарынан үлэлээбитэ. Үлэлээбитин тухары үлэтин ситэ-хото билэр, эппиэтинэстээх үлэһит быһыытынан билэбит. “Сунтаар” МАУ тэрилтэҕэ үлэлээбит бары спецтиэхиньикэ, массыына Филипп илиитин иһинэн ааһара, былааннаах көрүнүү буоллун, өрөмүөн үлэтэ буоллун… Кэлэктиип иһигэр кинини холку, эппиэтинэстээх, кэпсэтинньэҥ, дьону кытта тапсар киһи быһыытынан сыаналыыллар. Мобилизация биллэриллээтин кытта Филипп атын ыҥырыллааччы уолаттары кытта туох да саарбахтааһына суох анал байыаннай дьайыыга барбыта. Биһиги кэлэктиип уолбут хорсун быһыыны оҥорон, бу Арассыыйа Дьоруойа курдук үрдүкү наҕарааданы ылбытынан олус үөрэбит, киэн туттабыт.
Арассыыйа Дьоруойа Филипп Евсеев туһунан биир дойдулаахтара
