Бүгүн Арассыыйа Федерациятын былааҕын күнэ. Бу суолталаах күнү Сунтаар нэһилиэгин олохтоохторо, тэрилтэ үлэһиттэрэ, оҕо аймах Ленин болуоссатыгар үөрүүлээхтик бэлиэтээтэ. Улууспут баһылыга Анатолий Григорьев: «Билиҥҥи уустук кэмҥэ инники кэскилбитигэр, эдэр ыччакка дойдуга бэриниилээх буолууга иитэр-үөрэтэр ытык иэспит. Эдэр ыччаппыт, эр бэртэрбит байыаннай дьайыыга баран эйэни олохтуу сылдьалларынан, дьоруойдуу быһыыларынан, модун санааларынан киэн туттабыт. Кинилэр дьиэ кэргэттэригэр өйөбүл буолабыт. Модун Арассыыйабыт киэн туттуута — өрөгөй былаахпыт күнүнэн!”- диэн эҕэрдэ тылын эттэ. Ол кэннэ улуустааҕы ыччат отделын салайааччыта Трофим Иванов, байыаннай дьайыы кыттыылааҕа Марк Потапов эҕэрдэлээтилэр. Бэлиэ күҥҥэ ылбаҕай ырыа-тойук, оҕолорго улуустааҕы киин бибилэтиэкэ көҕүлээһининэн аквагрим, Арассыыйа туһунан билиини тургутар биктэриинэлэр уонна кинигэ быыстапката тэрилиннэ.
Улуу Арассыыйабыт былааҕын күөрэччи тутан дойдубут кэскилин түстүөҕүҥ.
Алена ИВАНОВА