Сэтинньи 11 күнэ — Сунтаар улууһугар Хабылык күнэ. Биһиги өбүгэлэрбит кыһыҥҥы уһун киэһэлэргэ остуоруйа остуоруйалаан, олоҥхо истэн, остуол тула олорон оонньоон күннэрин атаараллара. Остуол оонньуута илии имигэс буоларыгар туһаайыллыбыт, өй-санаа, туттуу-хаптыы эмиэ түргэтиир.
Бүгүн, хабылык күнүгэр Татьяна Григорьева уонна Антон Евсеев оскуола үлэһиттэригэр уонна үөрэнээччилэригэр анаан «Хомуур хабылык» күрэҕин тэрийэн ыыттылар. Манна учууталлар методическай холбоһуктара уонна тэхиниичэскэй үлэһиттэр күрэхтэстилэр. Ханнык хамаанда төһө элбэх хабылыгы хаппыт ахсаанынан миэстэни таһаардылар. Ол курдук, 1 миэстэ — гуманитарнай холбоһук учууталлара, 2 миэстэ — естественнай-математическай холбоһук учууталлара, 3 миэстэ — алын сүһүөх кылаас учууталларын холбоһуга буоллулар.
Любовь Уарова, саха тылын уонна литературатын учуутала