Сунтаар улууһун ИДьМ уопсастыбаннай сэбиэтин бэрэссэдээтэлэ Альбина Прокопьева өрөспүүбүлүкэбит Ил Дархана Айсен Николаевтыын кэпсэтиини быһа эпииринэн истэн баран санаатын үллэстэр:
— Ил Дархан өрөспүүбүлүкэ олохтоохторун араас хабааннаах ыйытыыларыгар быһа эпииринэн тахсан хоруйдуурун, ону сэргэ үлэ-хамнас, инники соруктар тустарынан кэпсиирин мэлдьи көтүппэккэ сэргээн истэбин.
Бүгүҥҥү быһа эпииргэ кэпсэтиитигэр буоларын курдук, өрөспүүбүлүкэ инники сайдыытыгар туһаайыылары оҥордо. Тыа сирин олохтоохторо көрсөр кыһалҕаларыгар ыйытыы биэрбиттэригэр сөптөөх хоруйдары бэйэтиттэн истэн астынным.
Дьон тус кыһалҕатын эрэ буолбакка, өрөспүүбүлүкэ социальнай-экономическай сайдыытыгар туһааннаах элбэх ыйытыыны биэрдэ. Холобур, доруобуйа харыстабылыгар, үөрэҕирии, суол-иис, сибээс, тырааныспар, тыа хаһаайыстыбатын, успуорт, экономика салааларыгар о.д.а. элбэх ыйытыы биэрдэ. Кэрэхсии иһиттим, Айсен Сергеевич быһа эпиирин оҕолор кытта көрөллөрүн, бэйэлэрин ыйытыыларын биэрэллэрин.
Маннык быһа эпииринэн көрсүһүү тэриллэрэ дьону-сэргэни сэргэхситэр, барыбытыгар туһалаах дии саныыбын.
«Сунтаар сонуннара» хаһыат