2024 сылга Сунтаар улууһугар 250 оҕо төрөөбүт. Олортон 22 оҕото Сунтаарга бэйэтигэр күн сирин көрбүттэр. Онтон Сунтаардааҕы ГТАС уорганыттан 230 оҕо төрөөбүтүн туһунан туоһу суругу ылбыт. Маннык араастаһыы тахсыыта сорох төрөппүттэр оҕолорун төрөөбүтүн туһунан туоһу суруктарын Дьокуускай куораттан ылыылара буолар. Киин балыыһа көрдөрүүтүнэн ааспыт сылга 120 уол, 130 кыыс оҕо Сунтаар улууһун олохтоохторо буолбуттар.
Кэлиҥҥи сылларга оҕоҕо сахалыы ааты биэрии биллэ элбээбит. Ол курдук, сахалыы кыыс оҕо аатыгар Айсаана, Сандаара, Күннэй уонна Дайаана диэн ааттар элбэхтик хатыланаллар. Уолаттарга төрөппүттэр сөбүлээн Эркин, Эрхаан, Дьулуур диэн ааттары биэрэллэр эбит. Уолаттарга аат хатылаһыыта элбэх. Онтон кыыс оҕо аатыгар аат арааһа элбэҕэ сөхтөрдө.
Мира АФАНАСЬЕВА