Аан дойду үрдүнэн СПИД ыарыыны кытта охсуһар күн

1988 сылтан ахсынньы 1 күнүн аан дойду үрдүнэн СПИД ыарыыны кытта охсуһар күнүнэн биллэрбиттэрэ. Бу күн бэлиэтинэн аалай кыһыл өҥнөөх лиэнтэ  буолар. СПИД ыарыыны “ХХI үйэ чумата” диэн мээнэҕэ ааттабаттар. Билиҥҥэ диэри ВИЧ инфекцияны кыайар эми тобула иликтэр. Күн аайы бу куһаҕан ыарыыттан аан дойду үрдүнэн элбэх дьон олоҕо быстар. Бу күннэргэ дойду бары субъектарыгар сэтинньи 25  ахсынньы 6 күнүгэр диэри дьоҥҥо анаан көмө төлөпүөннэрэ үлэлиир диэн Сунтаардааҕы роспотрбенадзор салаата иһитиннэрэр.

Бу ыарыыны 2030 сылга диэри кыайарга диэн сорук турар. Эминэн-томунан эрэ буолбакка дьон бэйэтин доруобуйатыгар болҕомтолоохтук уонна эппиэтинэстээхтик сыһыаннастаҕына бу ыарыы нэһилиэнньэ ортотугар 95 % сүтүөҕэ диэн этэллэр.

Ыарыы  тарҕанар сүрүн биричиинэтинэн ВИЧ инфекция өр кэмҥэ киһиэхэ баара биллибэтин этэллэр.  Маныаха хас биирдии киһи ВИЧ инфекцияҕа хаан анаалыһын туттаран статуһун билэрэ ирдэнэр.

Мира АФАНАСЬЕВА

Читайте дальше