Аҕам саастаах дьон дэкээдэтин чэрчитинэн, бүгүҥҥэттэн С.А.Зверев-Кыыл Уолун аатынан улуустааҕы норуот айымньытын киинигэр “Көмүс саас мичээрэ” күнүскү 3 күннээх лааҕыр үлэтин саҕалаата. Манна саастаах дьоммут сылдьан дуоһуйа, астына сынньаныахтара. Араас маастар кылаастарга билиилэрин, сатабылларын кэҥэттиэхтэрэ, сайыннарыахтара. Бэйэ-бэйэлэрин баай уопуттарын атастаһан, астына кэпсэтиэхтэрэ, имигэс, уран тарбахтаахтар оҥоһуктарын быыстапката тэриллиэҕэ.
Ону сэргэ сарсын, алтынньы 4 күнүгэр улуустааҕы киин балыыһа тэрийиитинэн мобильнай биригээдэ кэлэн үлэлиэҕэ. Быраастар мобильнай биригээдэлэрин таһынан гериатр быраас сүбэ-соргу биэриэҕэ.
Ааптар: Яина ВЛАСЬЕВА