Л.А.Попов аатынан Сунтаардааҕы киин бибилэтиэкэ аҥаардас кинигэ уларсыынан эрэ муҥурдаммат. Улуус олохтоохторугар анаан араас өҥөнү толорор, сэминээрдэри, үөрэхтэри ыытар.
Бу ааспыт нэдиэлэттэн саҕалаан бибилэтиэкэҕэ аҕам саастаах дьоҥҥо анал үөрэх ыытыллар. Ол курдук, кинилэргэ аныгы үйэ технологияларынан тутта үөрэнэллэригэр аналлаах куурус бара турар. Манна бибилэтиэкэ үлэһиттэрэ компьютерга бэчээттээһинтэн саҕалаан интэриниэти сатаан тутталларыгар үөрэттилэр. Үөрэххэ сылдьыбыт аҕам саастаахтар мантан олус үөрэллэр: “Биһиги эдэр эрдэхпитинэ компьютер игин диэн суох буоллаҕа. Онон үгүспүт бу тэрили сатаабаппыт. Бибилэтиэкэ үлэһиттэрэ биһигини болҕомтоҕо ылан, аныгы технологияларынан туһанан наадабытын быһаарсарга үөрэтэннэр абыраатылар. Араас ньыманы туттан түөкүттэр албынныыр түгэннэригэр киирэн биэрбэппитигэр олус туһалаах сүбэлэри биэрдилэр”.
Бу нэдиэлэнэн бастакы поток үөрэнээччилэр бүттүлэр. Кэлэр нэдиэлэттэн иккис уочараттар үөрэниэхтэрэ. Үөрэх быһа холоон икки нэдиэлэ устата буолар. Күн аайы эбиэт кэннэ 2 чаас үөрэтэллэр, дьиэҕэ сорудах кытары биэрэллэр. Баҕалаахтар босхо ыытыллар үөрэххэ сылдьан, тусткутугар туһаныҥ.
Яина ВЛАСЬЕВА