Кэлэр сылтан ГТАС уорганнарыгар кэккэ оҥорор өҥөлөрүгэр госпошлина биллэ үрдүүр диэн социальнай харалта иһитиннэрэр. 2025 сыл тохсунньутуттан суут уурааҕынан уонна уопсай 18-гар диэри саастаах оҕолоро суох кэргэнниилэр икки өттүттэн сөбүлэҥнэринэн арахсыы, ону тэҥэ туоһу докумуонун ылыы 650 солкуобайтан үрдээбитинэн 5000 солкуобай буолар, ону тэҥэ аат уларытыыта 1600 солкуобайтан 5000 солк. буолар. Сүтэрэн, алдьатан ГТАС туоһу суругун хос ылааһын 350 солкуобайтан төлөбүр 500 солк. буолар, ГТАС архыыбыттан ыспыраапкалары ылыы 200 солкуобайтан 350 солк. буолар.
Анна Григорьева,ГТАС салалтатын Сунтаардааҕы салаатын салайааччыта иһитиннэрэр: “ГТАС уорганнарыгар госпошлина кэккэ көрүҥнэргэ биллэ үрдээри турар. Холобур, маннык түгэн буолуон сөп: 2022 с. суутунан арахсыбыт дьон туоһу докумуоннарын ылбакка сылдьан баран 2025 сылга кэлэн оҥоттордохторуна үрдээбит сыананан ылаллар. Ол аата икки киһиэхэ 10000 солк. буолар. Ордук арахсыы докумуонун ылбакка эр дьон уһата-кэҥэтэ сылдьаллар. Онон арахсыы туоһу суругун ылбакка сылдьар дьон бу сылы аһардыбакка кэлэн оҥотторуҥ. Кэлиҥҥи кэмҥэ дьон аатын, араспаанньатын сахалыыга уларытар буолла. Билигин кинилэр госпошлинаны 1600 солк. төлүүр буоллахтарына, кэлэр сылтан 5000 солк. төлүүр буолаллар”.
2025 сылга ыал буолуу уонна аҕа буолары туоһулааһын госпошлината оннунан хаалар.
Мира АФАНАСЬЕВА