Билигин «Большое молоко» сезонун үгэнэ. Быйыл Сунтаар улууһугар үүккэ былаан – 5740.5 т. Улууска 5 тэрилтэ – «Хочо» МУП, «Үрдэл», «Тускул», «АлСу» кэпэрэтииптэр уонна Элгээйитээҕи эт-үүт кэмбинээтэ тэриллиилээх хаһаайыстыбалартан үүтү тутар. Билиҥҥи туругунан улууска бэриллибит былаан 52 бырыһыана туолан турар. Улуустааҕы тыа хаһаайыстыбатын управлениета эбии квота көрдөөбүттэрэ, аны күһүн чуолкайданыаҕа.
Үүтү туттарыыга 65 солк. субсидиянан, оттон 15 соҕотуопкалааччы тэрилтэ төлүүр, онон биир лиитирэ үүт сыаната 80 солк. буолар.
Тыа хаһаайыстыбатын управлениетын исписэлиистэрэ этэллэринэн, үүккэ бэриллэр харчыны соҕотуопкалааччыларга түһэрбиттэр, онон кинилэр үүт туттарааччыларга харчыларын төлөһөн иһэллэр эбит.
Яина ВЛАСЬЕВА