Бүгүн, муус устар 2 күнүгэр Саха Өрөспүүбүлүкэтигэр Гражданскаҋ активист күнэ бэлиэтэнэр. Сунтаар улууһун салалтатын уонна тус бэйэм ааппыттан Гражданскай активист күнүнэн итиитик-истиӊник эҕэрдэлиибин!
Бүгүҥҥү күҥҥэ Сунтаар улууһугар 193 уопсастыбаннай тэрилтэ, ол иһигэр 27 кэммиэрчэскэйэ суох тэрилтэ баар. Хас биирдии нэһилиэккэ көхтөөх дьон үгүстэрэ туора турбакка волонтер хамсааһыныгар кытталлар, кинилэр истэригэр «Үрүҥ көмүс волонтердар» — 55 саастарын ааспыт дьон аҕыйаҕа суохтар. Баҕа өттүнэн көхтөөх үлэҕэ кыттар дьон, волонтердар, уопсастыбаннай хамсааһын кэлэктииптэрин кэккэлэрэ хаҥыы турара үөрдэр, кинилэр ортолоругар тыыл бэтэрээннэрин, аҕам саастаах сэрии оҕолорун, соҕотох олорор кырдьаҕастары, анал байыаннай дьайыыга сылдьар биир дойдулаахтарбытын, кинилэр дьиэ кэргэттэрин, элбэх оҕолоох, кыаммат дьиэ кэргэттэри, доруобуйаларынан хааччахтаах улууспут дьонун көрөргө-истэргэ, кинилэргэ болҕомто уурарга мэлдьи бэлэм элбэх урбаанньыт, уопсастыбаннай уонна ыччат лидердэрэ бааллар.
Амарах сүрэхтээх, үтүө көҕүлээһиннэрдээх дьоммутунан, улууспут сайдарын туһугар кэскиллээх үлэлэргит, гражданскай уопсастыбаннас сайдыытыгар баараҕай кылааккыт иһин барҕа махталбын тиэрдэбин!
Дойдубут олоҕор сүҥкэн туһалаах үлэҕитигэр бары гражданскай актыбыыстарга саҥа ситиһиилэри, саҥа саҕахтары, кэрэхсэбиллэх бырайыактары, үрдүк ситиһиилэри баҕарабын!
Анатолий ГРИГОРЬЕВ, Сунтаар улууһун баһылыга