Бүгүн, ахсынньы 4 күнүгэр, Сунтаар нэһилиэгин “Партизан” норуот айымньытын театрилизованнай киинигэр Сунтаардааҕы киин бибилиэтиэкэҕэ оҕо отдела тэриллибитэ 75 сылын уонна Сунтаардааҕы оҕо бибилиэтиэкэтэ 70 cылын чэрчитинэн ”Үтүөнү, сырдыгы тарҕатан“ диэн үөрүүлээх тэрээһин буолан ааста.
Тэрээһиҥҥэ Сунтаар нэһилиэгин уһуйааннарын иитиллээччилэрэ, оскуолаларын үөрэнээччилэрэ кэлэн кытыннылар. Тэрээһин өрөгөйдөөх чааһа саҕаланыан иннинэ оҕолорго араас оонньуулары ыыттылар.
Ол кэннэ кэнсиэргэ оҕолор ыллаан, үҥкүүлээн үөрэ-көтө тапталлаах бибилиэтиэкэлэрин эҕэрдэлээтилэр.
Ону сэргэ ситиһиилээх библиэтиэкэ үлэһиттэрин наҕараадалаатылар уонна бастыҥ ааҕаччы дьиэ кэргэттэргэ уонна оҕолорго анал аат туттардылар.
Дмитрий ЫМЫЧАНОВ