Дьаархан оскуолатыгар биллэриллибит уйулҕа ыйыгар сөп түбэһиннэрэн, Сунтаар улууһугар Аҕам саастаахтарга ытыктабыл сылын чэрчитинэн «Үтүө санаанан илиибитин уунабыт» диэн аахсыйа ыытылынна. Бу манна 3-с кылаас оҕолоро, төрөппүттэрэ , кылаас салайааччыта Татьяна Степанова буолан, нэһилиэк ытык олохтооҕор, сэрии сылын оҕотугар Револий Афанасьевич Кыреловка, соҕотох олорор аҕам саастаах Владимир Афанасьевич Николаевка, Валерий Дмитриевич Аммосовка дьиэҕэ астаммыт ас арааһын астаан үөрдэ-көтүтэ туттардылар.
Этэҥҥэ доруобай, үөрэ-көтө өссө да уһуннук олордуннар диэн баҕа санаабытын тириэрдэбит.
Анна НИКОЛАЕВА,
олохтоох бибилэтиэкэ