Атырдьах ыйын 21-23 күннэригэр Дьокуускайга үөрэх эйгэтин үлэһиттэрин атырдьах ыйынааҕы сүбэ мунньахтара саҕаланна. Быйылгы тэрээһин «Воспитание личности в едином образовательном пространстве» диэн сүрүн тиэмэнэн ыытыллар.Үс күн устата учууталлар, үөрэх тэрилтэлэрин салайааччылара, төрөппүттэр уонна уопсастыбаннай тэрилтэлэр бэрэстэбиитэллэрэ араас хайысхаҕа арахсан үөрэх бары салаатын хабан сонун көрүүлэрин, уоппуттарын үллэстиэхтэрэ. Төгүрүк остуоллар, сэминээрдэр, быыстапкалар, маастар-кылаастар о.д.а. ыытыллыахтара. Сунтаарбыт улууһуттан үөрэх эйгэтин үлэһиттэрэ көхтөөх кыттыыны ылаллар.
Алена ИВАНОВА