Үөрэх эйгэтин эдэр салайааччыларын оскуолалара

Кутана орто оскуолатыгар үөрэҕириигэ үлэлиир 10 эдэр салайааччы уонна 11 салайааччы дуоһунаһыгар резервэҕэ киирбит педагогтарга аналлаах «Эффективный менеджмент в образовательном учреждении» диэн «Үөрэх эйгэтин эдэр салайааччыларын оскуолалара» бырайыак чэрчитинэн сэминээр үрдүк таһымҥа ыытылынна. Сэминээр сыала  — үөрэх тэрилтэлэрин салайыыга практическай уонна методическай өттүнэн үөрэтии уонна көмөлөһүү.

Сэминээри Сунтаар улууһун үөрэҕин управлениетын каадырынан хааччыйыы отделын салайааччыта Елена Егорова, оскуола иннинээҕи үөрэхтээһин отделын салайааччыта Мичийэ Михайлова, Кутана орто оскуолатын дириэктэрэ Владимир Архипов арыйдылар. Кыттааччылар аһаҕас уруоктары, функциональнай грамотность чэрчитинэн үлэни, ФГОС ирдэбилинэн кылаас таһынааҕы дьарыктары көрдүлэр, билистилэр. Кутана орто оскуолатын дириэктэрэ Владимир Архипов үлэтин опытыттан үллэһиннэ.
Н.В.Крыжановская аатынан «Мичээр» оҕо уһуйааныгар эдэр сэбиэдиссэйдэргэ уонна салайааччы дуоһунаһыгар резервэҕэ киирбит педагогтарга сэбиэдиссэй Зоя Федорова үлэтин уопутуттан үллэһиннэ. Кыттааччылар аһаҕас дьарыктарга сырыттылар, үлэ чэрчитинэн төгүрүк остуол тула кэпсэтии тэрилиннэ.

Сэминээр кыттыылаахтарыгар кадровой делопроизводство, коррупцияны утары сокуон тула үөрэх ыытылынна. Тэрээһин түмүгэр Сунтаар улууһун үөрэҕин управлениетын каадырынан хааччыйыы отделын салайааччыта Елена Егорова, оскуола иннинээҕи үөрэхтээһин отделын салайааччыта Мичийэ Михайлова кыттааччыларга сэртипикээт туттардылар.

Эдэр салайааччылар маннык хабааннаах үөрэх туһалааҕын уонна салгыы ыытылларыгар баҕа санааларын эттилэр. Аныгыскы сэминээр кэлэр сылга күнүгэр Маар Күөл орто оскуолатыгар ыытыллара былааннанар.

Александра ПАВЛОВА (НИКОЛАЕВА)

Читайте дальше