Бүгүн, бэс ыйын 4 күнүгэр, Г.Саввинов аатынан сынньалаҥ паркаҕа Кэбээйигэ бэс ыйын 6-8 күннэригэр ыытыллар «Табыс» ыччат өрөспүүбүлүкэтээҕи култуурунай-үөрэтии бэстибээлигэр айанныыр Сунтаар улууһун ыччатын делегациятын алгыстаан атаардылар.
Тэрээһиҥҥэ улуус баһылыгын социальнай боппуруостарга уонна имиджевай бэлиитикэҕэ солбуйааччы Гаврил Еремеев ыччаттарга ситиһиилээхтик кыттан, элбэҕи билэн кэлэллэрин баҕарда. Ону сэргэ Николай Омуков алгыс тылын этэн, сахалыы сиэринэн арыылаах алаадьынан, кымыһынан ыччаттары уонна Сунтаарбыт сирин күндүлээтэ.
Дмитрий ЫМЫЧАНОВ