Судаарыстыбаннас күнүн көрсө Дьокуускай куоракка Ил Дархан Айсен Николаев РФ уонна Өрөспүүбүлүкэ үрдүкү наҕараадаларын туттартаата. Ол курдук, Бастакы Бэрэсидьиэн Михаил Ефимович Николаев аатын үйэтитиигэ анаммыт бастакытын туттарыллар “Во славу и на пользу Республики” диэн өрөспүүбүлүкэ бочуоттаах бэлиэтин сунтаардар тумус туттар киһибит, биллэр судаарыстыбаннай-бэлитиичэскэй диэйэтэл Климент Егорович Иванов тутта. Ытык киһибитин бу суолталаах, улахан наҕараадатынан эҕэрдэлиибит. Кини дойдутун сайдыытыгар анаабыт сыралаах үлэтин умнубаппыт, киэн туттабыт!
“Сунтаар сонуннара”
