Балаҕан ыйын 13 күнүгэр, Сунтаардааҕы политехническэй лиссиэйгэ өр кэмҥэ физкультура учууталынан үлэлээбит Василий Федорович Андреев аатыгар аналлаах улуустааҕы чэпчэки атлетикаҕа эстафета күрэҕэ ыытылынна. Василий Федорович үөрэнээччилэрэ улуустааҕы, өрөспүүбүлүкэтээҕи чэпчэки атлетикаҕа, хайыһарга, мини- футболга ситиһилиилээхтик кытталлара. Кини аатын үйэтитэр күрэхтэһии бастакытын ыытылынна. Күрэх аһыллыытыгар Олег Константинович Сосины кытта Василий Федорович дьиэ кэргэнэ тыл эттилэр, оҕолорго ситиһиилэри баҕардылар. Эстафета түмүгүнэн кыайыылаахтар маннык буоллулар: 1үрдэл- лиссиэй 1 хамаандата, 2 үрдэл Сунтаар 1№-дээх орто оскуолата, 3 үрдэл лиссиэй 2 хамаандата. “Кэскиллээх сүүрээччи” ааты Күндэйэ оскуолатыттан Эмма Андреева ылла. Кыайыылаахтар мэтээллэринэн уонна сыаналаах бирииһинэн наҕараадаланнылар.
Мира АФАНАСЬЕВА
