А.И Иванов аатынан олимпийскай эрэллэри бэлэмниир оскуола манеһыгар уонна «Абаҕа» успуорт саалатыгар Сунтаарбыт улууһун бочуоттаах олохтооҕо, оҕунан ытыы бэтэрээнэ уонна успуорт маастарын кандидата Валерий Коротов аатыгар оҕунан ытыыга аһаҕас өрөспүбүлүкэтээҕи турнир буолан ааста.
Турнир эр дьоннор, уолаттар, дьахталлар, кыргыттар уонна бэтэрээннэр ыккардыларыгар ыытылынна. Турнирга уопсайынан Саха сирин 13 улууһуттан 140 кыттааччы кытынна.
Күрэхтэһии «Байанай бэлэҕэ» диэн СӨ физическэй култуура уонна успуорт министиэристибэтэ олохтообут быраабылатынан ыытылынна. Ол курдук, үс түһүмэххэ ыытылынна, куобах, кус, тиин, кыттааччыларга хас түһүмэх аайы 16 биэриллибитэ. Оттон муҥутуур күрэҕэ «Ыһыах» диэн быраабыланан ыытылынна. Уопсайынан 32 киһи олимпийскай систиэмэнэн күрэхтэстилэр.
Турнир түмүгүнэн, уолаттарга үс түһүмэх түмүгүнэн кыайыылаах Бүлүү улууһуттан кэлбит Данил Николаев буолла. Иккис миэстэни ылла Павел Сидоров, Сунтаар улууһуттан уонна 3-с миэстэҕэ тигистэ Егор Обоев, Ньурба улууһуттан.
Эр дьон ыккардыларыгар кыайыылаах буолла Никита Семенов Үөһээ Бүлүүттэн, 2-с миэстэни ылла Николай Пляскин Ленскайдан уонна 3-с миэстэҕэ тигистэ Стас Дмитриев Үөһээ Бүлүүттэн.
Эр дьон иккис категориялаах бэтэрээннэр ыккардыларыгар кыайыылаах буолла Васильев Николай Бүлүү улууһуттан, 2-с миэстэни ылла Николай Тихонов Бүлүү улууһуттан уонна 3 миэстэҕэ тигистэ Алексей Андреев Ньурба улууһуттан.
Эр дьон үһүс категориялаах бэтэрээннэр ыккардыларыгар кыайыылаах буолла Петр Неустроев, Ньурба улууһуттан, 2-с уонна 3-с миэстэни ыллылар Егор Акимов уонна Виталий Семенов Сунтаар улууһуттан.
Кыргыттар ыккардыларыгар үс түһүмэх түмүгүнэн кыайыылаах буолла Нелли Лукина Сунтаар улууһуттан, 2-с миэстэни ылла Каролина Унарова Бүлүү улууһуттан уонна 3-с миэстэҕэ тигистэ Айса-Виктория Яковлева Сунтаар улууһуттан.
Дьахталлар ыккардыларыгар кыайыылаах буолла Клара Спиридонова Бүлүү улууһуттан, 2-с мэстэни ылла Мария Старостина Сунтаар улууһуттан уонна 3-с миэстэҕэ тигистэ Марияна Кусатова Үөһээ Дьааҥы улууһуттан.
Дьахталлар 2-с категориялаах бэтэрээннэр ыккардыларыгар кыайыылаах буолла Майя Кононова Горнай улууһуттан, 2-с миэстэни ылла Ирина Лобашева Бүлүү улууһуттан уонна 3-с миэстэҕэ тигистэ Ирина Иванова Дьокуускай куораттан.
Дьахталлар 3-с категориялаах бэтэрээннэр ыккардыларыгар кыайыылаах буолла Тамара Рыбникова Мииринэй улууһуттан, 2-с миэстэни ылла Таисия Ксенофонтова Сунтаар улууһуттан уонна 3-с миэстэҕэ тигистэ Галина Федорова Үөһээ Бүлүүттэн.
Оттон турнир муҥутуур чөмпүйүөнүн үрдүк аатын ылла Николай Эппяхов Үөһээ Бүлүү улууһуттан уонна Валерий Васильевич Коротов чугас доҕотторо уонна аймахтара туруорбут 50000 солк. сүрүн бирииһи тутта. Дьахталларга Мииринэй охчута Ньургустаана Шамаева абсолютнай чөмпүйүөн буолан эмиэ 50 тыһ. солк. бириэмийэлэннэ.
Дмитрий ЫМЫЧАНОВ