Сунтаардааҕы политехническэй лиссиэй-интэринээт үөрэнээччилэрин кытары успуорт сулуһа Арассыыйа успуордун маастара, көҥүл тустууга Аан дойдуга бастыыр иһин күрэхтэһиигэ үрүҥ көмүс мэтээл хаһаайына, Европа чөмпүйүөнэ Лев Павлов көрүстэ. Киэн туттар ыччаппытын кытта көрсүһүүгэ элбэх оҕо тоҕуоруһа муһунна.
Чөмпүйүөн оҕолору кытта кэпсэтиитигэр ситиһии элбэх дьарыктан уонна диссипилиинэттэн кэлэрин эттэ.
Лиссиэй үөрэнээччилэрэ холобур оҥостор спортсменнарын көрөн үөрбүттэрин биллэрэн кинини уруһуйдаабыттарын бэлэхтээтилэр, хаартыскаҕа хатаннылар, автограф ыллылар. Сорох кыра тустууктар көрсүһүүгэ анаан оҥостон кэлбиттэрин Лев Павлов сэргии көрдө.
Мира АФАНАСЬЕВА