Бэҕэһээ Күндэйэҕэ Хомсомуол 105 сылын көрсө Р.А. Иванова аатынан «Сырдык аартык» ТХПК ферматыгар субуотунньук буолла.
Ол курдук Күндэйэтээҕи «Ил» култуура киинин кэлэктиибэ көҕүлээһининэн Күндэйэ нэһилиэгин олохтоох дьаһалтата, Б.Н. Егоров аатынан Күндэйэ орто оскуолата уонна олохтоох бэтэринэриийэ үлэһиттэрэ урукку бачыымы сөргүтэн көхтөөхтүк субуотунньуктаатылар. Икки хотонунан бары үлэһиттэри солбуйан, субуотунньук бэрт көхтөөхтүк ааста.
«Сырдык аартык» ТХПК кэлэктиибин аатыттан кэлэн үлэлээбит дьоҥҥо барҕа махтал буоллун. Үлэҕитигэр ситиһиини, үрдүктэн-үрдүк чыпчааллары, дьиэ кэргэҥҥэ или-эйэни, бука барыгытыгар кытаанах доруобуйаны баҕарабыт.
Алина ЛЬВОВА.