Улууспут баһылыга Анатолий Григорьев тутуу управлениетын начальнигын эбээһинэһин толорооччу Юрий Афанасьев бу күннэргэ нэһилиэктэринэн сылдьан тутуу үлэтин-хамнаһын билсиһэллэр, тутааччылары кытары кэпсэтэллэр.
Маар Күөлгэ улуус дьаһалтата үбүлээн тутулла турар култуурунай-спортивнай комплексы көрдүлэр. Эбийиэги олохтоох «ВИД» тутуу тэрилтэтэ ыытар. Култуурунай-спортивнай комплекс тутуллан аны күһүн үлэҕэ киирэрэ былааннанар. Ону сэргэ Кириэстээххэ дойду бэрэсидьиэнэ Владимир Путин көҕүлээбит «Култуура» национальнай бырайыак чэрчитинэн тутулла турар култуура киин үлэтин-хамнаһын билистилэр. Билигин «Андраники» тутуу тэрилтэтин 10-ча киһитэ үлэлии сылдьар. Уу суола аһылыннаҕына тутуу матырыйаала кэллэҕинэ өссө үлэ күүскэ барыаҕа.
Оттон сарсын Бордоҥҥо сылдьыахтара. Манна 160 миэстэлээх култуура дьиэтин тутуугар үлэ хайдах-туох баран эрэрин билсиэхтэрэ, тустаах дьону кытары кэпсэтиэхтэрэ, санаа атастаһыыта буолуоҕа.
Яина ВЛАСЬЕВА
Хаартыскалар улуус дьаһалтатын телеграм каналыттан @suntaar_ulus туһанылыннылар