Улуустааҕы тыа хаһаайыстыбатын управлениета иһитиннэрэринэн бүгүҥҥү күннээҕи (атырдьах ыйын 31 күнэ) туругунан Сунтаар улууһа окко былаанын 92,5% толорон иһэр. Ходуһаҕа барыта 124 отчут, 66 тиэхиньикэ үлэлии сылдьар. Ол эрэн, от сезона билигин да бүтүө эрдэ.
Ол төрүөтүнэн СӨ Тыатын хаһаайыстыбатын министиэристибэтэ 2023 с. муус устар 4 күнүгэр таһаарбыт «О мерах по подготовке и проведению весенне-полевых, кормозаготовительных работ в 2023 г.» бирикээһигэр олоҕуран, улуус баһылыга Анатолий Григорьев оттоммотох ходуһалары туһанарга «көҥүл хотууру» биллэрэр туһунан дьаһала тахсыбыта. Онон сирдэтэн ким баҕарар оттоммокко хаалбыт ходуһаҕа киирэн, оттуур бырааптаах буолар. Биллэн турар, наадыйар эрэ дьон киирэн оттуохтара.
Гаврил АНДРЕЕВ.