Ахсынньы 7 күнүгэр улуус дьаһалтатын мунньахтыыр саалатыгар улуус нэһилиэктэрин баһылыктарын, дьаһалта управлениеларын, отделларын салайааччылара, тустаах тэрилтэлэр исписэлиистэрэ кыттыылаах сүбэ мунньах буолла. Мунньаҕы улуус баһылыга Анатолий Григорьев иилээн-саҕалаан салайан ыытта.
Мунньахха бастакы боппуруоһунан дьиэ кыылларын иитиигэ федеральнай сокуоҥҥа Саха Өрөспүүбүлүкэтин сиригэр-уотугар уларытыылары киллэрэр туһунан буолла.
Киирии тылы улуус дьаһалтатын баһылыга А.В. Григорьев оҥордо. Бу боппуруоска сүрүн иһитиннэриини ВКС нөҥүө СӨ бэтэринэриийэ Департаменын госинспектора Иван Андреевич Скрябин оҥордо.
Онтон Арассыыйа Үлэтин Дьоруойа В.А. Михайлов үбүлүөйдээх сааһын бэлиэтиир тэрээһиннэр тустарынан иһитиннэриини дьаһалта дьыалаларын управляющайа Н.Е. Егоров оҥордо.
Олохтоох бэйэни салайыныы 20 сылыгар аналлаах бэстибээл балаһыанньатын туһунан иһитиннэриини улуус нэһилиэктэрин баһылыктарын Сэбиэтин бэрэссэдээтэлэ А.Н. Григорьев оҥордо.
Түмүккэ сүбэ мунньах тустаах уураах ылынна:
Дьиэ кыылын иитиигэ федеральнай сокуон бары ирдэбиллэрин сөптөөхтүк толорорго.
Бу боппуруоска СӨ Ил Түмэнигэр бэйэ туспа этиитин бэлэмнээн киллэрэргэ.
Анал байыаннай дьайыыга мобилизацияланан сылдьар гражданнарга материальнай көмө оҥоһуутун өссө күүһүрдэргэ.
Үлэ Дьоруойа В.А. Михайлов үбүлүөйдээх сааһын бэлиэтээһиҥҥэ көхтөөх кыттыыны ыларга.
РФ олохтоох бэйэни салайыныы киирбитэ 20 сылыгар аналлаах бэстибээли ахсынньы 22 күнүгэр үрдүк тэрээһиннээхтик ыытарга.
«Сунтаар улууһа» МО пресс-сулууспата.
